Mom & I

I går var mor og barn på kids kafe sammen med tre kjekke mødre og deira flotte born. Kjempekjekt for både store og små!
Turen gjekk til Mom & I Kids Kafe som ligg i hovudgata i Gohyeon. Her var der massevis med leikar for born i alle aldrar, og det var svært godt tilrettelagt for borna. Her var også kafé for foreldra sjølvsagt ;)

Kiwijuice er dei knallgode på her

Eit eige rom der ein kan arrangere bursdagsselskap og liknande

Eg trur Sigrid storkosa seg, og ho slo seg laus og herja i leikedingsen som mor sette ho oppi :) Alle borna kosa seg med både store leikebilar, dukker, sklie og det eine og det andre.
Gler meg til Sigrid er eldre og kan springe rundt i kafeen og undersøke alle krinkar og kroker her, for der var mykje å sjå og leike med. Mor var littegranne misunneleg på at det ikkje var slikt då ho var lita, for her hadde nok 5 år gamle mor kosa seg også ;)

Ellers er frøkna 5 månader i dag! Hurra for Sigrid :)

Pappas fødselsdag

Hipp hurra for pappaen min

Han er veldig snill og fin

Hei hurra for Yngvefar

Som er så snill og rar :)

                              Sitat: Sigrid

Far er altså heile 27 år i dag!!!
Vi starta feiringa i går med kake til dessert. Far fekk velge kake på bakeriet, og valgte sjølvsagt sjokoladekake. Kaka var god den, men kanskje ikkje like god som den såg ut som :)

I dag gjekk mor og barn inn til byn for å møte far etter jobb, slik at vi kunne spise bursdagsmiddag på restaurant. Vi endte opp på Vips, ein slags britiskinspirert restaurant virka det som. Vi bestilte biff begge to, samtidig som vi kunne forsyne oss så mykje vi ville av ein god salatbar, der det var både salat, suppe, frukt og mykje anna godt. Det var også eit dessertbord der vi kunne forsyne oss, nam nam! Det var veldig god mat her, og bursdagsbarnet var veldig fornøyd :)

Då vi kom heim fekk far pakke. Far er litt større enn ein gjennomsnitts koreaner, så det var litt vanskelig for mor å finne noko klær i riktig størrelse. Heldigvis fann vi ein finfin genser som passa fint til far. Han fekk også to par sokker, det er jo slikt som alle pappaer får til bursdagen, er det ikkje? :)
Til slutt var det litt skyping med familie som ville gratulere bursdagsbarnet :)

Alt i alt ein fin og rolig bursdag :)

Søndagstur på kafe

Søndag prøver vi å gjere til turdagen. Ein søndag var vi på biltur på øya for å sjå oss rundt, sist søndag gjekk vi ein tur inn til byen, og i går gjekk vi ein tur i Soowol, der vi bur. Nokon av dei andre damene her fortalte om ein koselig liten kafe som ikkje låg så langt fra oss, så denne var målet denne søndagen.
Vi visste ikkje heilt kvar den låg, så vi gjekk oss ein liten tur innover dalen for å sjå oss rundt. Då kom vi oss også litt ut av bybebyggelsen her, og meir ut mot landsbygda.

Bilde tatt innover i dalen. 

Soowol Skyline, vi bur i blokkområdet ca i midten av bildet

Her fann vi fleire tradisjonelle hus, med åkrar i hagen og hundar i gårdsrommet. Då vi gjekk langs vegen mellom nokre av husa sette alle hundane til å bjeffe. Det føltes litt ubehagelig at ein haug med vakthundar bjeffa mot oss, så vi snudde. Det var gjerne like greit også, for vi gjekk feil uansett.
Det var veldig interessant å gå litt utanfor bybebyggelsen også. Det er jo berre 10-15 min frå der vi bur, men likevel har vi ikkje vore innover der før no. Vi gler oss til det begynner å gro på åkrane og i hagane. Då må vi nok ha oss ein ny tur innover :)

Etter ein del gåing fram og tilbake fann vi endeleg Naranda Cafe, som viste seg å berre ligge nett borti høgget frå der vi bur. Damene hadde heilt rett, dette var ein veldig koselig kafe. Kafeen hadde også terrasse, som heilt sikkert er fin å sitje på når det blir varmare i været.

Naranda Cafe

Det blei ein passelig liten søndagstur, og vi fann ein kafe som vi nok heilt sikkert går tilbake til fleire gonger for ein kopp kaffi :)

Jakta på den rette bilen

Far i huset er på jakt etter ein bil som vi kan ha her, og blir stadig like frustrert over at dei har så mange fleire bilmodeller her enn heime i Norge. Også bilprisane her blir han frustrert over. Bilane er jo såååå billige her i forhold til heime. Difor er det visst veldig fristande å kjøpe ein bil her, ein svær bil, ein slik bil som koster masse penger heime. Her har bilforhandlarane også gjennkjøpsavtaler, det vil sei at ein kan selje bilen tilbake til bilforhandlaren etter eit år eller to, og få ein forhåndsavtalt pris for bilen, feks. 65-75 % av kjøpesummen, noko som er veldig gunstig for oss arbeidsinnvandrarar.
Då far gjekk forbi nokre bilforhandlarar i helga kunne han difor ikkje dy seg, og måtte inn for å høyre kva desse herlighetane kosta og slike ting.
Første tur gjekk til Hyundai. " I wondered, what is the price of this car? Do you have a buyback agreement on this car, and what is the  buyback price?" spør far. Mannen i butikken svarer på koreansk. Far forstår at han må moderere seg litt. " I buy car, you buy back?" Mannen svarer nok ein gang på koreansk, men får plutselig ein god ide! Google translate! Så, via google translate har far og mann ein lengre samtale om biltype, pris, buybackavtale, og når ein i såfall kan få bilen! Thank you Google, eller Kasahamnida google, 감사합니다  구글 :)
På neste butikk, Kia, fekk far rett og slett beskjed om å be nokon koreanere på jobb om å ringe dei på vegne av han. Gjerne like greit, så slepp ein at noko av informasjonen kanskje forsvinn i google translate-universet.
Far prøvde også å ringe bilutleigefirma som vi leiger bil hjå no for å høyre om langtidsleige. Her fekk han beskjed om at "your phone rings monday" då samtalen gjekk litt tregt.
Litt språkproblemer med andre ord når vi utlendinger ikkje kan koreansk og dei ikkje kan engelsk :p
Det går altså i Hyundai og Kia her, me også nokre andre koreanske bilmerker ( som far ikkje vil ha). Far har prøvd å diskutere med mor kva bil vi skal ha, og viser ho den eine bilen etter den andre. Skal vi ha Hyundai Santa fee, eller ein Kia Sorrento, eller kanskje ein Kia Sportage? Mor har ikkje den store interessen for bil, og ser lite forskjell på dei anna enn om fargen er forskjellig. Ho gruer seg uansett til ho skal lukeparkere med eit slikt beist, og har satt krav om ryggeassistanse i bilen! Ho ser likevel behovet for stor bil, då trafikkreglane kun er veiledande her. Greit å ha ein bil som tåler ein støyt om noko skulle skje :)
Vi får sjå kva vi gjer, om det blir kjøp av bil eller om det blir langtidsleige. Far tek saken :)

Kvardagsliv

No har endelig flyttelasset vårt frå Norge komme!! Så no har Sigrid også fått seg seng, etter å ha sove i vogna til no. Det var jo litt spennande å finne ut kva vi hadde pakka med oss, sidan det herska litt kaos då vi pakka ned leiligheten.. Ser heldigvis ut som om vi har tenkt litt rasjonelt iallefall, vi har mellom anna tatt med litt krydder av ulike slag, tepper, MME, ein haug med klær og sko, og ein del bilder og nokre duker. Vi hadde ikkje pakka med så mykje babygraut til Sigrid, så det må mor mekke til sjølv på kjøkkenet. Får håper de fell i smak hos frøkna :)

Risgraut er nam ;)

Laurdag var vi ein liten tur ute på jakt etter litt ekstra møbler til leiligheten. Mor ønsker seg ei bokhylle som ho kan pynte litt i, og far ønsker seg ein godstol eller to. Sigrid er ikkje så materialistisk, så ho ønsker seg berre kos og oppmerksomhet :) Og det får ho også ;)
Jakta på møbler har ikkje fått noko resultat enno, men vi er på sporet ;)

Vi har fått oss det alle husmødre drømmer om, VASKEHJELP!! Dei (dei er nemlig 2 stk) kjem kvar onsdag og gjer leiligheten rein og fin på ein måte som mor aldri hadde gjort! Sengetøy blei bytta og vaska, (dei kunne vaske kleda våre også, men mor er litt kresen og ville vaske det sjølv ), dei vaska opp, dei rydda i boden, la sammen kleda til Sigrid som låg der, la sammen det som hang på stativet, dei kunne stryke skjorter og sånt også viss me ville det, dei har rydda i kjøkkenskapa, til og med i kjøleskapet har dei rydda, dei har støvsugd og også tømt støvsugeren, gått med søppelet, altså, det var ein fryd å komme heim etter at dei hadde vore her! :)
Mor og barn gjekk ut på tur medan dei held på, men skulle gjerne vore floge på veggen her då dei såg skokosten i oppvasken, eller når dei såg at vi visst nok hadde oppvaskesåpe som håndsåpe på ein badet :p

Rydda leikene til Sigrid :) ( og tøflene til far )

Slik ser det ikkje ut i mor sitt skap for å sei det sånn...

Ellers går livet sin vante gang i dette som etter kvart er begynt å følast som heimen vår. Mor og far tenker å lære seg litt av språket, så vi har fått tak i eit internettkurs som vi sit og hermer etter på kveldane etter at frøkna er lagt. Foreløpig har vi berre lært oss bokstavene og eit par basisord, slik som hei, takk, farvel... Vi ser at det kan være praktisk å kunne for eksempel tal, og andre "turistfraser" også, men vi får sjå korleis dette går. Språket er svært annleis enn norsk, så det er ikkje så lett..

Under kjem eit par bilder frå kvardagslivet i Sør-Korea.

Solstrålen vår 

Praktisk med barnevogn når ein er ute og handler, berre så synd det ikkje er plass til barnet i den...

Så ho må vi ta på armen... 

Håper de har det fint heime, har fått med oss at det er kaldt og flott i Norge no :)

Markedsdag

kvar mandag er det eit lite marked i eine gata i boligkomplekset som vi bur i. Her blir solgt både fisk, kjøtt, frukt og grønnsaker, men også mykje anna. Der måtte sjølvsagt eg og Sigrid ta oss ein liten tur.

Sidan det kan være litt mykje folk der, gjekk vi korean style, med Sigrid i sele på magen ;)  

Veldig spennande å gå og sjå på alt det dei har der. Vi kjøpte mellom anna med oss ein del gode grønnsaker frå markedet.
Dei har også som sagt fisk og kjøtt her. Fisken blir solgt heile. Skulle gjerne kjøpt ein fisk eller to, men eg desverre ikkje så god til å tilberede anna fisk enn den som er ferdig filletert :p Kom til samme problemet ved ei dame som solgte heile kyllinger.Tenkte eg sku prøve likevel, men når ho sa dei kunne "slice" kyllingen, tenkte eg at problemet var borte. Men, dei slica og deisa kyllingen til eg ikkje kjente den igjen, så no veit eg iallefall ikkje ka eg skal gjere med den! Tips blir motatt med stor takk ;)

Det var ein gang ein kylling...

Ellers har eg lagt min elsk på nokre pølser med ein slags deig utanpå, som så blir frittert. Smaker knallgodt ;) Her er også ein form for småkaker som blir frittert, dei ser farlig gode ut, men synet bedrar, heldigvis! Ein del varmmat selger dei også, neste mandag trur eg vi må prøve oss på middag fra markedet, for det ser veldig godt ut :)

Store gryter med varmmat

Der er også ein eigen sokkebod på markedet. Sokkar har dei mykje av her, både i butikker og på markeder, og dei kjem i alle former og størrelser.
Og sjølvsagt selger dei også ein del typer ris her, samt bønner og frø. Ein eigen bod med snacks (trur eg) er her også. Har ein del snacks av puffa ris som er ganske godt :)

Snopebod, trur eg

Veldig kjekt marked, vi kjem nok til å ha fast oppmøte der om mandagene :)

1. veke på Geoje

No har me allereie vore her i over ei veke! Yngve har fått komme litt inn i jobben på Samsungverftet og mor og barn har vore med på ein del aktiviteter på dagtid og ellers sett seg rundt i nabolaget. Vi prøver å få litt rutine i kvardagen igjen etter ein lang og god juleferie heime.
Middagene her bærer preg av improvisasjon, sidan me ikkje heilt har fått taket på kva dei ulike matvarene er på koreansk. Vi går rundt med google translate på telefonen og prøver å oversette det som vi lurer på. Sara har også begynt å ta bileter av skilt og andre tekster som ho lurer på kva betyr, slik at det kan oversetjast i heime i leiligheten :) Google translate er med på det meste, og har hjelpt oss med både porttelefonen, steikeovnen, vaskemaskina og andre finurligheter som hjelper oss i kvardagene.

Yngve er veldig flink til å ete med pinner!

Sara spiser med pinner på sin eigen måte!

Google translate neste...

Ellers har vi hatt nokre små kulturkollisjoner allerede.
I Sør-Korea er det ikkje så vanlig med barnevogn til små babyer, her bærer mor dei i bæresele stort sett. Viss dei har vogner så er dei iallefall ikkje så store som vår Emmaljunga! Er også usikker på om dei bruker bilstol til borna eller om dei har dei på magen når dei kjører bil også, har sett begge deler her..
Så då Sigrid og Sara skulle ta taxi tirsdagen, med både barnevogn og bilstol, fekk vi eit par blikk. Taxisjåføren som eg til slutt klarte å få oppmerksomheten til (han prøvde først å oversjå oss når han såg alt vi hadde med oss...)  kikka lenge på vogna og lurte på om den kunne legges sammen. Forbipasserande stoppa faktisk opp, peika og lo når han skulle prøve å få dette inn i bilen, og det samla seg ein liten ring med folk rundt for å sjå på. Eg såg ikkje heilt problemet før eg såg at han hadde bagasjerommet fullt av sine eigne ting.. oups. Men men, fekk det til til slutt, med ein delen av vogna i baksetet og andre delen i bagasjerommet. Neste gang trur eg at eg bærer ho på koreansk vis ;)
Dei er veldig glade i vestlege babyer her. Vi lurte litt på kva vi skulle gjere då ei dame i ein butikk vi var i plutselig kom bort til oss og "stjal" Sigrid ut av hendene våre! Men men, Sigrid smilte og lo og det gjorde dama også, så det gjekk jo bra. Og vi fekk ho tilbake til slutt ;)

Siste nytt hos Sigrid at ho no klarer å snu seg!! Ho har jobba lenge med å flytte på seg, og no på onsdag snudde ho seg endelig! Trur ikkje ho heilt forstod kva som skjedde anna enn at mor blei veldig veldig glad! Men, frøkna liker seg jo ikkje så godt på magen, så torsdag snudde ho seg frå mage til rygg igjen. Foreløpig ruller ho berre fram og tilbake, så det blir ikkje den store forflyttinga heilt enno, men me har måtte utvide puslespill-matta hennes allerede slik at ho held seg oppå den og ikkje på golvet :)

Ellers er været flott og fint,står opp til sol kvar morgon. Har enno denne norske "oo, no er det fint vær, vi må ut og nyte det med ein gang"-følelsen, så har gått ein del turer i nabolaget og sett oss rundt i fineværet. Det er riktignok ganske kaldt, og også ein del kald vind, men veldig fint turvær :)

Håper alt står bra til der heime :)

Til slutt kjem ein liten beskjed frå Sigrid:

Welcome to Korea

Då er vi endelig framme! Eller, vi har vore framme no eit par dager, komme oss inn i leiligheten vår og fått litt ting på stell. Deilig.
Vi kom fram torsdags morgon. Flyturen med Sigrid gjekk egentlig veldig bra, igjen! Vi har ein flink liten turkamerat :) Ho fekk ikkje sove så mykje på flyturen, så når me kom fram til leiligheten sov både ho og mor eit par timer. Veldig lurt for Sigrid, ikkje fullt så lurt for mor, då jetlagen meldte sin annkomst klokka 02.00 natt til fredag.. Men ikkje så gale at det ikkje er godt for noko, fekk prata med bestemor Tvedt den natta, og det var jo kjekt. Sør-Korea ligg 8 timer framfor Norge, så er litt planlegging og rekning på timar når vi skal prate med dei i gamlelandet..
No trur eg alle tre har komme greit inn i døgnrytmen her, og Sigrid søv som eit barn om natta ;)

Ellers er vi veldig fornøgde med leiligheten vi skal bu i! Her er så mykje plass som vi aldri har hatt før, med 2
bad, massevis med garderobeplass, eit stort og godt kjøkken/stove og 3 soverom + kontor. Her trur eg vi kjem til å trivast :) Nokre finurligheter er her jo som vi ikkje er vande med. Her er for eksempel vannbåren varme i alle golv BORTSETT frå på bad! Dei er iskalde!! Sikkert fint om sommeren når det er godt og varmt ute, men no når det er vinter og minusgrader er det ganske kaldt.
Toalettet på eine badet er ganske høgteknologisk, og kan spyle deg både her og der trur eg. Vi har ikkje våga oss på å prøve andre funksjoner enn nedoverspylinga enno :p
Ellers er sengene steinharde. Men, det trur vi at vi kjem til å bli vande med. Om ikkje får vi få tak i overmadrasser.

Jenterommet er allerede klart :)

Kjem fleire bilder når vi har fått satt vårt "personlige preg" på leiligheten. Nett no er den litt for personlig med alle tinga våre liggande litt for mykje rundt om kring.. :p

Vi har også prøvd oss litt på butikken her og handla mat og litt ting til heimen. Dette går for såvidt greit, men litt språkproblemer blir det jo. Spesielt når det meste av teksten står på koreansk og ser slik ut:
식리 사라 이와

Det har resultert i litt bomkjøp her og der, vi vasker visst opp med ein skobørste blandt anna, og eg er ikkje heeeilt sikker på om det er oppvaskemiddel vi bruker eller håndsåpe. Vi endte også opp med instant kaffi med melk, mannen var ikkje heilt fornøgd med det :p Men ellers har vi klart oss greit til no trur vi :) Det er heldigvis bilder på dei fleste pakkene som gir eit lite hint til kva som er inni.

Satser på at dette er gode greier ;)

Lørdag var vi i Sjømannskyrkja i Okpo og spiste risengrynsgraut og vafler :) Her fekk vi møtt ein del andre norske som er her også. Dei som hadde vore her ei lita stund kom med litt tips og råd til for eksempel kvar vi får tak i ting, korleis ulike funksjoner fungerer osv.. og også kva vi heimeværande kan gjere på om dagane og kvar det skjer ting :) 

Trur det kjem til å bli ein veldig fin plass å møte folk :) 

Godt å endeleg vere i gang med livet i Sør-Korea. Vi gler oss til fortsettelsen :)