Taubane i Tongyeong

Søndag var vi på ein liten utflukt til Tongyeong. Tongyeong er ein by på fastlandet vest for Geoje, og ca 30 min frå der vi bur. Sjølv om vi bur så nærme, har vi aldri vore der før. Søndag var det difor på tide å gjere noko med det.

Vi sette kursen mot ei taubane der som vi har høyrd mykje bra om. Vår GPS vel ikkje alltid kortaste veg til målet, men denne gongen var det heilt greit egentleg. Den tok oss gjennom heile byen og langs havna før den viste oss taubana, så då fekk vi jo sett ein del av byen også og kva den har å tilby. Vi blei enige om at vi må reise til havna på ein anna søndagsutflukt då det såg svært spennande og livleg ut, med nokre skikkeleg koreanske markeder, ein del replika av gamle turtle ships liggande til kai, og eit yrande folkeliv.

Vel framme ved taubana var det også mange mennesker. Koreanarar, og då spesielt pensjonistane, er svæt glade i å reise på organiserte bussturer, så her var mange busslass med folk som også skulle med bana.
Vi hadde jo, som godtruande nordmenn, tatt med oss barnevogna til Sigrid, sjølv om det har vore ein dårleg ide på stort sett alle andre turistattraksjonar vi har vore på. Dette var jo ingen unntak, så vi endte med at ein bar frøkna og ein bar vogna. Men men, litt ekstra trim :)

Det ein treng før ein tur med taubana: søtpotetchips, maiskolber og steikte larvar. Mmmm...

Taubana var veldig fin, med plass til 8 personer i kvar vogn. Turen tok ca 5 min trur eg, og tok oss til toppen av Mt. Mireuksan. Dvs, bana gjekk til eit lite platå like nedenfor toppen, der det var laga til trapper heilt til topps. Denne toppturen sparte vi til ein anna gong pga denne barnevogna som vi gjekk og bar på :p 

Ein mann som var meir opptatt av Sigrid enn av utsikten.

Ein liten sprell på bordet :)

Været var veldig flott, så utsikten var svært bra! Rundt Tongyeong by ligg det ca 150 både små og store øyer, så desse utgjer ei flott utsikt fra fjellet.
Vi tok bana nedigjen, men det er også mogleg å ta beina fatt ned på flotte fjellvegar.

Etter "fjellturen" vår, reiste vi på Vapiano og spiste middag, før vi tok turen heimigjen og prata med besteforeldra på Ostereidet på skype. Ein veldig fin søndag rett og slett :)

Den obligatoriske kiwijuicen på Vapiano :) 

Vår på Geoje

Dei siste dagane har det vore ordentlig norsk sommarvær på Geoje, med over 20 grader og skyfri himmel :) Her har det vore vårstemning ei stund allerede, med blomar, kirsebærblomstring og lauv på trea, og no har endeleg varmen komme skikkeleg også. Geoje har endeleg vakna frå vinterdvalen :)

Tidlegare i vår var det vakker cherry blossom her. Vi fekk desverre ikkje tatt så mange bilder av dette, så dette er dessverre det beste vi hadde.

Vi bur som sagt i eit stort boligområde som kallast Xii. Det består av 15 boligblokker med til saman ca 700 leiligheter og med fine uteområder mellom blokkene. Her er det blitt vakkert vår. Mor og barn har difor vore ute og knipsa nokre bilder som vi vil vise dykk.

Her er blokka vår

Nokre av hagane rundt i komplekset

Xii har tre store og fine leikeplassar. Her er den tøffaste, med sjørøverskute. Gler oss til Sigrid kan springe rundt og leike her.

Vi har ikkje terrasse i leilighetane, men her er ein liten platning som vi bruker istadenfor og som nok kjem til å bli brukt mykje i tida som kjem.

Vi har treningssenter i kjellaren av komplekset, men også ute er der moglegheiter for litt trim. Her er ein liten sirkel med ulike treningsapparat, 3 tennisbaner som også kan bli brukt til den populære fotballvolleyen, og også ei lita golfbane med eit hol. Eg har likevel enno ikkje sett at noko av dette har vore brukt til anna enn leilkeplassar for borna.

Her er nokre bilder av den finaste blomen :)

Håper de har det fint der heime i Norge, og at våren snart kjem til dykk også :)

Asaleafjellet

Laurdag 13. april var det tid for ny fjelltur med Statoilgjengen. Denne gangen gjekk turen til Asaleafjellet, eller Mt. Daegumsan som det eigentleg heiter. Dette fjellet blir kalla Asaleafjellet grunna alle aaleablomane som er i åssida her. Blomstringen var dessverre på sitt beste veka før, slik at ein del god del av blomane no var borte. Likevel var det ein god del lilla blomar igjen.

På veg opp stoppa vi ved ein stor gravplass. Her i Sør-Korea blir alle gravlagde i skråninger under ein gravhaug, og som oftast med eit monument av noko slag like ved. Over alt i fjellet og i åssider ser ein slike hauger, ofte to haugar atmed kvarandre. Her var ein offentleg gravplass, så her var graver i heile denne lille dalen. Alltid spesielt å være på ein gravplass, men dette var ein veldig fin plass å være.

Været var flott denne dagen, så det var mange som hadde tatt turen til fjellet. Det var vei ganske langt opp mot fjellet, men vi parkerte lengre nede og gjekk langs vegen istadenfor. Etter kvart delte vegen seg, og det var fleire moglege ruter mot toppen. Mor, far og Sigrid gjekk saman med Bodil og Lars Magne på den lettaste vegen.

Veg inn til eit gardstun

To munkar som sang på veg opp mot fjellet

Då vi kom opp til åssida til fjellet opna det seg opp fantastisk utsikt. Denne utsikta blei berre finare og finare jo nærare toppen vi kom.

Det var svært mange folk på fjellet denne nydelege dagen, så det blei ein del køgåing på veg mot toppen. Heilt oppe var det også svært mange folk, og sjølvsagt var Sigrid midtpunktet, igjen.. Koreanerene har ikkje det samme forholdet til "personal space" som vi nordmenn har, så dei blei litt nærgåande til tider. Då ein benk blei ledig nytta vi difor sjansen til å "gøyme" ho litt der, så vi fekk litt ro. Veldig kjekt med oppmerksomhet altså, men det kan bli litt voldsomt av og til...

Sigrid i nyemeisen :)

Koreanerene er ganske fancy når dei er ute på tur. Det gjeld både når dei skal gå tur langs vegen og når dei prøver å bestige fjelltopper. Her er ingen joggebukser fra nittitalet å sjå, ei heller utvaska gratisT-skjorter, her  finn ein heller det siste nye innan turklær, hanskar, hattar, turstavar, ryggsekkar osv... Mor er også svært imponert over standarden på lunchen til koreanerene. Dei har med seg fulle koreanske måltider, med kimchi og det heile. Det ser svært godt ut (bortsett frå kimchien då så klart...)

Etter at vi var ferdige med turen, tok vi turen til Vapiano i Gohyeon, der vi hadde ein fin liten "after hike". 

Vi gler oss til neste fjelltur saman med lørdagslerkene :)