Fjelltur til Oknyeobong

Kvar torsdag går ein del av ektefellene til kollegaene til far på fjellturer her på øya. Lørdag arrangerte dei tur for heile statoilgjengen. Vi fekk låne ein bæremeis av nokon andre norske her, slik at vi kunne bli med på turen :)

Turen gjekk til fjellet Oknyeobong på 554 meter. Legenden skal ha det til at Okneyo, datter av den store guden Jade, synda slik at ho blei sendt ned til dette fjellet for å bli født på ny som menneske. Hennes menneskelige far begynte etter kvart å sjå på ho slik fedre ikkje skal sjå på døtrene sine, og ville altså ha ho. Ho sa då at han skulle få ho viss han klatra opp dette fjellet naken som ei ku. Han så gjorde og ropte muuu heile vegen. Plutseleg kom det eit lyn fra himmelen som traff han slik at han døde. Då steig Oknyeo til himmelen. Det står det iallefall i guideboka vår for Geoje Island :)

Der ser de målet i det fjerne

Først gjekk vi opp til ein gammal varde, eller beacon mound. Denne blei bygd på 1400-tallet, og blei brukt til å sende signal videre til andre varder om japanerene angreip eller det var andre farer som luska ute i havet. Korea hadde i gamledager fleire slike røyksignalruter i heile landet, men ein god del av vardene er no øydelagde. Denne blei restaurert i 1995.

Beacon Mound på Ongnyeobong Peak.

Familien på tur

Turen var slitsom og bratt ein del stader, spesielt den siste bakken mot toppen. Det blei ein god del stopp undervegs for å få igjen pusten, men også for å nyte utsikten som viste seg nokre av plassane. Det siste stykket fekk Sigrid litt fart i oss, då ho fann ut at ho var sulten, og ville ha mat akkurat då! Så då var det berre å komme seg til topps før ho kreperte hørtes det ut som.
På toppen var det nydeleg utsikt både mot nordaust og søraust. Vi såg mellom anna ned mot Daewoo DSME- verftet og fekk verkeleg sett kor stort dette verftet er.
Etter fjellturen var det afterhike på samsung guesthouse for heile gjengen med mat og drikke.

Yngve og Sigrid har nådd toppen!

Uten mat og drikke duger helten ikke..

Oknyeobong 554,7 meter

Her ser de DSME og Okpo i bakgrunnen.

Deawoo DSME

Her blir det tatt gruppebilde av heile gjengen.

Vi gler oss til neste tur, sjølv om kroppen framleis jobbar med å komme seg etter denne turen, med gangsperr både her og der enno :)

Mommy the bithday kid!

Då var mor like gammel som far igjen :) 27 år!!

Bursdagen starta med at Sigrid berre vakna ein gang i løpet av natta. Lykke :D
Far hadde også lovd mor ein overraskelse om morgonen, så mor hoppa ut av senga for å sjå kva det kunne vere. Og der, på kjøkkenbenken, stod akkurat det mor hadde ønska seg: Peanøttsmør!! :)
La meg forklare: På vår første tur til butikken her i Korea, i jungelen av koreansk mat, der stod peanøttsmøret og smilte gjennkjenneleg til mor. Mor tenkte, det veit eg kva er, det er godt, det må eg ha, og tok med seg eit glas. Mor blei så glad i peanøttsmøret at ho åt skive på skive, berre for å få ete dette herlege pålegget. Etter to glas fann ho ut at ho måtte slutte å kjøpe meir peanøttsmør. Men saknet var stort, noko far tydelegvis hadde fått med seg.. På denne bursdagsmorgonen var difor eit glas peanøttsmør den beste gåva mor kunne fått!! :)

På formiddagen reiste mor og Sigrid til Okpo for å møte Ane, som også har bursdag 22. februar, Rolf Johan og ei anna kjekk Sigrid. Her drakk vi kaffi før vi gjekk på ein svært god tyrkisk restaurant og spiste bursdagslunsj. Tusen takk til Rolf Johan og Sigrid :)

Sigrid sovna, men sov godt bak oss i sofaen på den tyrkiske restauranten :)

Far kom tidlegare heim frå jobb for å være saman med bursdagsbarnet og den lille prinsessa. Han hadde også då ein overraskelse på lur til mor. Han hadde seg nemleg ein liten handletur åleine mandagskvelden for å sjå etter gåve og nokre andre små ting. Undervegs i handleturen ringte han heim for å høyre med mor "sånn heilt hypotetisk sett, viss eg skulle kjøpt noko til deg, kva skulle det vore og korleis skulle det vore". Mor prøvde så godt ho kunne å veilede han med hennar heilt spesielle krav til ting. Men, då han kom heim og sa at nei, han hadde ikkje funne noko så vi fekk gå ein handletur ilag slik at mor kunne velgje seg sjølv, trudde sjølvsagt mor på far. Overraskelsen var altså stooor då han drog fram ei stoor pakke til mor. Og ikkje kva som helst gåve heller, han hadde nemleg funne den perfekte veska som oppfylte alle mor sine krav: Svart, enkel utan dill dall, med skulderreim, stor, og ganske så fancy. Den var knallfin!!! Tuuusen takk finaste Yngve :)

Vi reiste også denne bursdagen til VIPS på D-cube for å ete bursdagsmiddag. Her sat Sigrid i barnestol for aller første gang, stor jente :) Det var så deilig å ikkje ha ho på fanget. Vi kunne bruke både kniv og gaffel samtidig medan vi var på restaurant! Sjølv om vi måtte plukke opp leikene hennas frå golvet eit par gonger syns vi dette gjekk veldig bra.
Vel heime vart det ein roleg kveld med The Voice of Korea. Koreanerene kan verkeleg synge altså!! :)

Stor jente i barnestol for første gang :D

Ein veldig fin bursdag med andre ord :)

Velkommen

Velkommen til Tvedt Fosse Residence!

Her bur altså vi, 6. etasje i blokk 111, Xii. Leiligheten er mykje større enn den vi flytta ifrå på Sola, så vi har godt med plass føler vi. Her er tre soverom, eit kontor, to bad, stor garderobe, og ellers god oppevaringsplass.

Vi var jo ute på møbeljakt for ei stund sidan, og endte opp med dei to stolane de ser her, samt bokhylla. Vi kjøpte møblane på Casamia i Gohyeon. Stolane er eigentleg litt for store til at det ser bra ut med begge to i stova, men dei er så gode, så det ser ut som vi overser akkurat det.
Her ser de også at far har vore snill og kjøpt ein stor og fin bukett med roser til mor på den store valentinesdagen :)

Stova vår. God plass for Sigrid å boltre seg på. Legg merke til air condition i  hjørnet. Vakker sak.

Stort og godt kjøkken med massevis av benkeplass! Da lika me :)

Vi har som sagt tre soverom, eit hovedsoverom i forbindelse med garderoben og eine badet, og to mindre soverom.
Det eine soverommet har det nok vore ei lita jente på før vi kom, for det er fint og rosa. Dette kunne fungert ypperlig som soverom til Sigrid når ho skal flytte ut, men huseiger har sett eit stoort garderobeskap her inne, slik rommet mista mesteparten av golvplassen her inne. Synd :/
Sengene her er forresten steinharde!! Vi har blitt vandt med dei, men kjenner det litt i ryggen om Sigrid har sove litt lengre enn normalt.

Hovedsoverom, garderoberommet i bakgrunnen. 

Jenterommet :)

Gjesterommet

Vi har også ein liten sminkepult til mor, litt luksus i kvardagen :)

Bada her er heilt utan oppvarming, det vil sei at det er ein kald fornøyelse. Slik er det over alt her i dette landet, bada og toaletta er kalde. Kvifor det er slik veit vi ikkje, men mor sin teori er at det har noko med hygiene å gjere, det blir jo litt varmt her utpå sommeren. 

På det eine badet her er der som sagt eit toalett som er litt meir tekninsk enn det vi er vande med. Slike toalett er det i heile Sør-Korea. kloakkanlegga generelt i landet er visst ikkje bygd for å handtere store mengder toalettpapir og slike ting, så då er jo desse toaletta handy. Og for all del, dei er sikkert knallbra, Sør-Koreanerene kan jo sin teknologi. Vi trause nordmenn er likevel litt tilbakeholdne og skeptiske og held oss unna slike nymotens greier enn så lenge.

Dei som har budd her før oss har vore svært glade i wall stickers. Det heng klistremerker på vinduer, vegger og skap. I stova heng det noko som skal forestille ein sangtekst. Desverre har ein del av bokstavane blitt borte, slik at berre delar av diktet og orda står att. Mor syns det er så stygt at ho ikkje har tatt bilete av det ein gong! Men men, det er vel ein del av sjarmen med å leige og ikkje eige tenker eg.. Her er derimot bilete av nokre av dei som er heile:

Nokre av lysbrytarane er også litt utanom det vanlege. Kanskje dette er noko å ta med heim til Norge? :)

Leiligheten kan også by på nokre andre små finurligheter. Vaskemaskina spelar for eksempel ein kjekk liten melodi kvar gong den er ferdig. Det gjer det litt kjekkare å vaske kler iallefall :)

På veggen mellom kjøkkenet og stova er det ein høgtaler som kjem med litt informasjon i ny og ne. Dette er sjølvsagt på koreansk, så vi lar den dure og gå, den går desverre ikkje ann å slå av. Ein dag var det mykje prating i høgtalaren, og alt vi forstod var "apparment", så då hadde det jo noko med oss å gjere. Litt seinere på kvelden ringte det på døra til leiligheten, og far gjekk for å opne. Det var visstnok ein votering av noko slag, og dei gjekk ikkje der ifrå før han hadde stemt. Samtalen foregjekk på koreansk (noko far har begrensa språkkunnskapar i) så han stemte for...trur han. Håper ikkje det var eigeninnsats ved trappevasken han stemte for :/

I stova har vi eit kontrollpanel på veggen. Her kan vi styre lyset og varmen i leiligheten, og også slå på og av gassen om vi vil det. Der er kamera både ved hovuddøra og døra til leiligheten, slik at vi på kontrollpanelet kan sjå kven som banker på, og også sleppe dei inn via panelet. I tillegg kan vi sjå kva temperaturen ute er, som jo er svært greit :) 

Alt står på koreansk på dei ulike apparata i leiligheten, men vi har fått ein kjekk liten perm frå utleigebyrået med oversetjingar av både panelet, vaskemaskin, oppvaskemaskin, TV og steikeovn. Det eineste dei ikkje har tatt seg tid til å oversetje trur eg er kontrollen på toalettet :p 

Til slutt kjem nokre bileter av jenta på golvet :) 

Slik er det altså her som vi bur :)

PS: alle bilder er tatt like etter at vaskedamene hadde vore der! Dei kan difor gje eit litt falsk bilete av tingenes faktiske tilstand... 

Happy new lunar year!

Denne helga er det nyttårsfeiring i Sør-Korea. Ifølge lunarkalenderen, som blei brukt i Korea før den gregorianske kalenderen blei tatt i bruk, er 10. februar første dagen i slangenes år! Nyttårshøgtida blir kalla Soellal, og internett seier at dette er den viktigaste tradisjonelle høgtida i Sør-Korea. Dette er ein familieferie, der alle samlast heime hjå familien for å hedre forfedrene, spise god tradisjonell koreansk mat, leike tradisjonelle leiker, og slik eg har forstått det er det også litt gåver involvert. Borna liker denne høgtida spesielt godt, for dei får ofte penger frå dei voksne. Ved å bukke djupt til dei eldre i familien og ønske dei eit godt nytt år får dei kort med penger i tilbake.
For at alle skal ha moglegheita til å reise heim til heimlege trakter, varer høgtida i 3 dager. Det virker likevel som om handelsstanden kun praktiserer med 1-2 fridager, då dagen før dagen er ein stor handledag der det blir handla gåver og mat for festen.

Sidan far hadde fri ein ekstra dag denne helga, fann vi ut av vi ville reise ein liten tur til Busan. Her var vi frå fredag til søndag, og budde på Novotel Ambassador ved Haeundae Beach, fint hotell med nydelig beliggenhet.

Fredag reiste vi altså oppover etter at vi hadde fått oss ein matbit saman med kollegaene til far. Etter å ha stått ein del i kø og brukt litt lengre tid til Busan enn vi hadde tenkt, brukte vi kvelden på hotellrommet slik at frøkna kunne få rulle rundt på golvet og bevege seg litt. Å sitje fastspent i lengre tid er ikkje det ho liker aller best, så ho var fornøgd når ho fekk sprelle litt etter ein lang biltur.

Stort og godt rom med god plass til små rullande jenter :)

Lørdag bar det avgårde på shopping. Vi gjekk frå hotellet og bort til Shinsegae, som visst skal være verdens største department store. Senteret var stort, med skøytebane inne, 10 etasjer med butikker, kino, restauranter, food court og mykje anna. Mor var svært glad då ho såg at dei hadde Hennes & Mauritz der, endeleg ein butikk med riktige størrelsar! Vi brukte heile dagen her, før vi tok subwayen tilbake til hotellet.
Trur nok frøkna var litt lei av vogn og bråk og kikkande koreanarar etter kvart, så vi tok samme løysing som dagen før, med room service til middag og fornøgd og sprellande jente på golvet :)

I stadenfor å ta trafikken gjennom byen er der bygd ei bru på to nivå rundt byen.

Monument vi gjekk forbi på vegen til shoppingsenteret

Shinsegae, verdens største department store

Shoppingkupp ;)

Laurdag var det også NM i brass i Bergen, og mor skulle veldig gjerne vore der og høyrt på alle korpsa og møtt masse korpsvenner. Desverre er det litt vanskeleg å få til når ein er i Korea, men TV2 Sumo gjorde kvelden litt lettare for mor, og sendte heile gildet direkte :) Mor sat altså framfor paddo og fekk høyrt mellom anna flinke Gjallarhorn, samtidig som ho prøvde å gje korpsentusiasmen vidare til Sigrid, skal tidleg krøkast osv... Ho grein ikkje, så eg tek det som eit godt teikn ;)

Mor og barn koser seg med NM brass medan far tek seg av økonomien ;)

Heia Gjallarhorn!!! :)

Søndag blei det ein liten spasertur langs stranda. Fordelen med å ha ei lita som vakner tidlig er at vi får mykje ut av dagene. Klokka 11 hadde vi spist frukost, pakka, gått tur og sjekka ut av hotellet. Ikkje verst til oss å vere :) Stranda var heilt nydeleg fin! Vi hadde utsikt over stranda frå hotellrommet vårt, og fekk god sommerstemning då vi såg ut vinduet. Sommerstemingen forsvant derimot når vi gjekk ut døra og kjente på temperaturen. Vi får reise tilbake når det blir litt varmare i været og havet tenker vi :)

Haeundae beach

Vi budde på hotellet til høgre på biletet.

Familien :)

Seollal er som sagt ei svært viktig høgtid her, difor var det meste av butikkar og også ein del museum, utstillingar og andre turistting stengt søndag 10. februar. Vi fann likevel eit museum som var ope, og havna på Busan Museum. Dette museumet viser Busan si rike historie,gjennom ulike epoker heilt frå istida og fram til i dag. Her var utstilling av ein god del arkeologiske funn som er gjort, hovudsakleg krukker og redskaper, men også nokre utstillingar av kvardagslivet og viktige krigar og slag. Det var svært interessant museum, men vi syns det er vanskeleg å ta med seg kunnskapen vidare, då vi ikkje har så mange knagger å henge informasjonen på. Vi har nok desverre ikkje fulgt godt nok med i historietimane på skulen.

Heimatt blei det ein liten omveg, då vi bomma på eine avkjørselen. GPSdama ville ha oss til å snu og kjøre tilbake til avkjørselen vi kjørte forbi, men trafikken stod stille den vegen, så vi kjørte heller ein lengre veg heim enn å stå ein time i kø. Då fekk vi også sett meir av regionen og oppdaga fleire plasser vi ønsker å besøke her :)

Vi hadde ei svært fin helg i Busan, og gler oss til å reise tilbake når det er litt meir vår i lufta og stranda og vakner til liv frå vinterdvalen :) 

Muju ski resort

Torsdag forrige veke var det tid for teambuilding i Valemon. Turen gjekk ca 2 timar nord for Geoje til Muju Ski Resort. Uheldigvis var det kun for dei ansatte utan familie, så Sara og Sigrid måtte bli igjen heime. Spent på korleis skiresortar ser ut i Korea var det eit aldri så lite sjokk å sjekke inn på Hotel Tirol! Stort hotell i ekte sveitserstil rett nedanfor bakken.
Visste jo at dei kan å kopiere her borte, men dette var jo nett som å sjekke inn i kva som helst slags alpelandsby.

Utanfor hotellet

Flott inngangsparti

Første dagen gjekk med til ein fin tur i bakken med leigd utstyr, då eg typisk nok lot utstyret ligge igjen heime i Norge. Totalt bestod anlegget av vel 12 stolheisar og ei gondolbane. Gondolbana kosta visstnok litt penger, men frekk turist som eg er sneik eg meg ombord. (Riktignok ganske ubevisst sniking skal seiast).

Stemningsbilder

Det var ikkje så mykje snø at det gjorde noko, men Koreanarane kan sin kunstsnø. Det mest utfordrande var vel egentlig dei 11 plussgradene som var i lufta. Heldigvis var det solfylt og lite vind, så me overlevde :)

Dag 2 kom regnet, så det var like greit å være inne.

Etter ei fin økt i bakken bar det ned til ein god middag i lystige lag.
Dag to bar på den meir formelle biten med presentasjonar og gruppearbeid. Alt i alt ein god samling.

På toppen (etter ein sniktur i gondol)

Så om ein skulle være lysten på ein alpeferie med ein liten twist, kan jo Korea være no for deg!